ACCIÓNS DE RECUPERACIÓN
Tal como se establece na Axenda Urbana de Santiago de Compostela, as concas dos río Sar e Sarela considéranse zonas de oportunidade para a transformación da cidade e constitúen un espazo cun gran potencial, tanto natural como cultural e social.
No marco deste proxecto levarase a cabo as seguintes accións:
1
Estabilización das marxes do río
mellorando a consolidación das beiras mediante sistemas que eviten a súa erosión e recuperando a vexetación de ribeira con métodos naturais como o “Palmiter”.
2
Restauración de achegas hídricas
Depurando a auga drenada desde as infraestruturas viarias próximas á área de intervención.
3
Implantación e recuperación de vexetación de ribeira
Ampliación do bosque e aumento da biodiversidade co consecuente aumento dos beneficios ecosistémicos.
4
Xestión do arboredo
Favorecer o desenvolvemento de exemplares singulares e o control da vexetación invasora de cara a evitar que colonice a contorna.
5
Mellora e conservación do Carballo de Conxo
Se procederá á descompactación do terreo no que se atopa, achegando substrato, acolchando (muclh) e liberando competencia de árbores próximas.
6
Recuperación do antigo leito do regacho de Chaián
Desviado nas obras do ferrocarril.
7
Potenciación da diversidade faunística
En xeral de toda a biodiversidade, creando elementos para a participación e a implicación cidadá (caixas niño, observatorios de aves, hoteis de insectos, comedeiros…)
8
Accións transversais
Mediante plans de gobernanza e plans de comunicación, fomenten as decisións consensuadas e a achega de entidades afectadas, a información aberta e transparente que favorece a implicación cidadá e o número de persoas involucradas no proxecto. Trátase de mellorar e aumentar o coñecemento da poboación sobre os servizos ecosistémicos do espazo fluvial.
